ප්‍රවීණ නර්තනාචාරිනි චන්ද්‍රකාන්ති ශිල්පාධිපති මහත්මිය විසින් දේශීය නර්තනය පාදක කර ගනිමින් රචිත “හෙළ කලාකෙත” කෘතිය ජනගත කිරීම අමාත්‍ය ආචාර්ය බන්දුල ගුණවර්ධන මහතාගේ ප්‍රධානත්වයෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේදී සිදු විය.
දේශීය නර්තන ඇතුළු සංස්කෘතික අංග රැකසකින් ද වර්ණවත් වූ මෙම වැඩසටහනේ ප්‍රධාන දේශනය සෞන්දර්ය කලා විශ්වවිද්‍යාලයේ විශ්‍රාමික සම්මානිත මහාචාර්ය ලයනල් බෙන්තරගේ මහතා විසින් සිදු කරන ලදි.
