“මාර්ගගත ක්‍රමවේදවල සුරක්ෂිතභාවය පිළිබඳ පනත ගැන විවිධ කතා සමාජයේ තිබෙනවා. මේ පනත මගින් ආණ්ඩුක්‍රම ව්‍යවස්ථාවේ තිබෙන අදහස් ප්‍රකාශ කිරීමේ නිදහස සීමා වෙනවයි කියලා බොහෝ අය කියනවා. එහෙම දෙයක් මේ තුළින් සිදුවන්නේ නැහැ. විශේෂයෙන්ම විපක්ෂ නායකතුමා මේක කල් දාන්න කියලා යෝජනා කළා.ශ්‍රේෂ්ඨාධිකරණයට හතළිහකට අධික පිරිසක් ගිහිල්ලා මේ පනත් කෙටුම්පතට විරුද්ධව ශ්‍රේෂ්ඨාධිකරණ මතය විමසුවා. ඉන් පසු ශ්‍රේෂ්ඨාධිකරණය ආණ්ඩුක්‍රම ව්‍යවස්ථාවට අනනුකූල කරුණු තිබෙනවා නම් ඒවා සංශෝධනය කරලා ඊට අදාළව තමයි පනත පාර්ලිමේන්තුවට ඉදිරිපත් වෙලා සම්මත වුණේ. කථානායක කාර්යාලය නිවේදනයක් නිකුත් කරා නීති ප්‍රතිවරයාගේ උපදෙස් පිට ඉතා නිවැරදිව ශ්‍රේෂ්ඨාධිකරණයේ එකතු කළ කරුණු සියල්ලම මේ පනතට අඩංගු කර තිබෙනවා කියලා,ඒ නිසා කිසිවෙකුත් මේ සම්බන්ධව අනියත බියක් ඇතිකර ගත යුතු නැහැ. සාමාන්‍ය ජනතාවගේ අදහස් ප්‍රකාශ කිරීමේ අයිතිය සීමා කරන යකෙක් විදිහට පෙන්නන්නට සමහර අය උත්සාහ කරනවා.”
