අද පැවැති මාධ්‍ය හමුවකදී , අදහස් දැක්වු ජනතා විමුක්ති පෙරමුණේ ප්‍රධාන ලේකම්, ටිල්වින් සිල්වා මහතා පැවසුවේ, එම සිද්ධියේදී පොලිසියේ හැසිරීම තුල අපරාධ කල්ලි හා පොලීසිය වෙන්කර හඳුනා ගැනීම දැන් ප්‍රශ්නයක් වී ඇති බවයි. මෙම තත්ත්වය සිවිල් වැසියන්ගේ ආරක්ෂාව සම්බන්ධව බරපතල වාතාවරණයක් නිර්මාණය කර තිබේ. පොලීසිය සීමාව ඉක්මවා ගොස් මිනිස් ජීවිත බිලි ගැනීම, වින්දිතයින්ට මුල්‍ය සහන දීමෙන් වසා ගත නොහැකි බව ද ජනතා විමුක්ති පෙරමුණේ ප්‍රධාන ලේකම්, ටිල්වින් සිල්වා මහතා මෙම මාධ්‍ය හමුවේ දී සිහිපත් කර සිටියා.
