“පසුගිය වසරේ ජනාධිපති රනිල් වික්‍රමසිංහ මහතාගේ ඉන්දීය සංචාරයේදී අප දෙරට අතර මූල්‍ය සම්බන්ධතාව ඉහළ නැංවීමට ප්‍රමුඛතාව ලබාදෙන දැක්මක් ඇතුළත් ගිවිසුම් පත්‍රිකාවක් අත්සන් කරනු ලැබුවා. අද එම ඉලක්කය සාක්ෂාත් කරගැනීමට හැකිවීම පිළිබඳව මම ඉතා සතුටු වෙනවා. ඩිජිටල් පරිවර්තන යුගයේදී දේශීය ආර්ථිකයන්හි කැපී පෙනෙන වෙනසක් අපේක්ෂා කළ හැකි වගේම එමගින් අප දෙරට අතර සංචාරක ව්‍යාපාරයේද ප්‍රවර්ධනය කරනු ඇති. ඉන්දීය සංචාරකයින් UPI ඉන්දියානු ගෙවීම් ක්‍රමවේදය සහිත ගමනාගන්තයන් වෙත ප්‍රමුඛත්වයක් ලබාදෙන බව මට විශ්වාසයි.”
