එක්සත් ජාතික පක්ෂයේ තීරණාත්මක කෘත්‍යාධිකාරී මණ්ඩල රැස්වීම අද (13) පෙරවරු 10.00 ට පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටේ පිහිටි පක්ෂ මූලස්ථානයේදී පැවැත්වීමට නියමිතයි.
මෙහිදී පක්ෂයේ මහලේකම්, භාණ්ඩාගාරික, නියෝජ්‍ය මහලේකම් සහ ජාතික සංවිධායක තනතුරු සදහා පත්කිරීම් සිදුකිරීම සිදු කෙරෙනු ඇති.
දේශපාලන ආරංචි මාර්ග සදහන් කළේ පක්ෂයේ මහලේකම්ධූරය සදහා පුත්තලම දිස්ත්‍රික් හිටපු පාර්ලිමේන්තු මන්ත්‍රී පාලිත රංගේ බණ්ඩාර , භාණ්ඩාගාරික තනතුර සදහා කෑගල්ල දිස්ත්‍රික් හිටපු පාර්ලිමේන්තු මන්ත්‍රී සන්දිත් සමරසිංහ මහත්වරුන් පත්කිරීමට නියමිතයි.
මෙහිදී එක්සත් ජාතික පක්ෂයේ නායකත්වයේ කිසිඳු වෙනසක් සිදු නොවන අතර වත්මන් නායක රනිල් වික්‍රමසිංහ මහතා 2023 වසර දක්වාම පක්ෂ නායකත්වයේ රැදී සිටීමට නියමිත බව වාර්තා වනවා.
Discussion about this post