අනතුරට ලක්වූ ෂොයිබ් මලික් ට්විටර් හි තැබූ සටහන – Photos

පාකිස්ථාන ක්‍රිකට් කණ්ඩායම නියෝජනය කරන තුන් ඉරියව් ක්‍රීඩක ෂොයිබ් මලික් ගමන් ගත් මෝටර් රථය ඊයේ රාත්‍රියේ ලාහෝර් නුවරදී අනතුරකට ලක්වුණ අතර අනතුරෙන් මලික්ට හානියක් සිදුව තිබුනේ නැහැ.

මෙම අනතුර සිදුව ඇත්තේ ඔහු ගමන් ගත් ස්පෝට්ස් වර්ගයේ මෝටර් රථය මාර්ගයේ නවතා තිබූ ට්‍රක් රථයක ගැටීමෙන්.

මේ අතර අනතුරෙන් පසු ෂොයිබ් මලික් සිය නිල ට්විටර් ගිණුමට විශේෂ සටහනක් එක්කර තිබුණා.

එහි ඔහු සඳහන් කර තිබුණේ මම හොඳින්, එය හුදෙක් අහම්බෙන් සිදු වූ අනතුරක්, සියලුදෙනාගේ ආදරය සහ සොයාබැලීම ගැන කෘතඥ වන බවයි.