කොවිඩ්-19 වෛරසය ආසාදනයවීමෙන් පසු රාජ්‍ය අමාත්‍ය දයාසිරි ජයසේකර මහතා හමුවීමට හෙට්ටිපොළ කාර්යාලයට ගිය පුද්ගලයින් හත්දෙනෙකු සහ ඔවුන්ගේ පවුල්වල සාමාජිකයින් තිස්දෙනෙකු නිරෝධායනයට යොමු කර තිබෙනවා.
මොවුන්ගෙන් පුද්ගලයින් හතරදෙනෙකු ඇතුළු එම පවුල් රස්නායකපුර ප්‍රදේශයේ පදිංචි අය වන අතර, කොටවෙහෙර ප්‍රදේශයේ පදිංචි පුද්ගලයින් තිදෙනෙකු සහ ඔවුන්ගේ පවුල්වල සාමාජිකයින් ද නිරෝධායනයට යොමු කර ඇති අතර සෞඛ්‍ය වෛද්‍ය නිලධාරී කාර්යාලය සදහන් කළේ මෙම පුද්ගලයින් හත්දෙනා රාජ්‍ය අමාත්‍යවරයා හමුවීම සදහා මහජන දිනයේදී එම කාර්යාලයට ගොස් ඇති බවයි.
මේ වන විට නිරෝධායනයට යොමු කර ඇති මෙම පුද්ගලයින් පී.සී.ආර්. පරීක්ෂණ වලට යොමු කිරීමට නියමිත අතර, එම ප්‍රතිඵල වලට අනුව ඉදිරි පියවර ගන්නා බව සෞඛ්‍ය වෛද්‍ය නිලධාරී කාර්යාලය සදහන් කළා.
Discussion about this post