මාර්ග ආරක්ෂාව ප්‍රවර්දනය කිරීමේ අරමුණින් සංවිධාන කළ “Road Safety World Series T20” ක්‍රිකට් තරගාවලිය යළි පැවැත්වීමට සංවිධායකයින් තීරණය කර තිබෙනවා.
මෙහි පළමු අදියර පසුගිය වසරේ මාර්තු මාසයේ දී ආරම්භ වූ නමුත්, තරග 4ක් පමණක් පැවැත්වීමෙන් අනතුරුව කොරෝනා වසංගතය හේතුවෙන් තරගාවලිය අත්හිටුවීමට සිදු වුණා.
ඒ අනුව එම අදියරේ ඉතිරි තරග ලබන මාර්තු 2 වනදා සිට 21 වනදා දක්වා ඉන්දියාවේ රායිපූර්හී දී පැවැත්වීමට නියමිතයි.
ඊට ඉන්දියාව, ශ්‍රී ලංකාව, ඔස්ට්‍රේලියාව, දකුණු අප්‍රිකාව සහ බටහිර ඉන්දීය කොදෙව් යන රටවල්හි විශ්‍රාමගත් ශ්‍රේෂ්ඨ ක්‍රිකට් ක්‍රීඩකයින් එක් වනවා.
සචින් ටෙන්ඩුල්කාර්, මුත්තයියා මුරලිදරන්, බ්‍රයන් ලාරා, විරේන්දර් ෂෙවාග්, තිලකරත්න ඩිල්ෂාන් වැනි සුපිරි ක්‍රීඩකයින් තරගාවලියට එක් වනු ඇති.
Discussion about this post