වරාය වෘත්තීය සමිති තීරණාත්මක සාකච්ඡාවක

කොළඹ වරායේ නැගෙනහිර පර්යන්තයෙන් කොටස් සියයට 49 විදෙස් ආයෝජකයකුට පවරාදීමට එරෙහිව ශ්‍රී ලංකා වරාය අධිකාරියේ වෘත්තීය සමිති 23ක් මේ වනවිට සාකච්ඡාවක් ආරම්භ කර තිබෙනවා.

වරාය නැගෙනහිර පර්යන්තය සුරකීමේ වෘත්තීය සමිති එකමුතුව සදහන් කරන්නේ වරායේ කොටස් විදෙස් ආයොජකයන්ට පවරාදීමට රජය කටයුතු කළහොත් එම යෝජනාව පරාජය කරන බවයි.

වෘත්තීය සමිති නියොජිතයන් වැඩිදුරටත් පෙන්වා දෙන්නේ වරායේ නැගෙනහිර පර්යන්තයේ අයිතිය සම්පූර්ණයෙන්ම වරාය අධිකාරිය සතුවිය යුතු බවයි.

කොළඹ වරායේ නැගෙනහිර පර්යන්තය ආරක්ෂාකර ගැනීම සදහා ආගමික නායකයන්, සිවිල් සංවිධාන නියෝජිතයන්, දේශපාලන පක්ෂ එකට එක්වී ජාතික සභාවක්ද පිහිටුවා කිබෙනවා.