රත්නපුර මැණික් කුලුනට මුල්ගල් තැබේ

රත්නපුර, දෙමුමාවත මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම අද සිදු කෙරුණා.

ඒ, කර්මාන්ත අමාත්‍ය විමල් වීරවංශ, සෞඛ්‍ය අමාත්‍ය පවිත්‍රා වන්නිආරච්චි ඇතුළු මැති ඇමතිවරුන්ගේ සහභාගීත්වයෙන්.

වීඩියෝ තාක්ෂණය මගින් එම අවස්ථාවට එක්වෙමින් අග්‍රාමාත්‍ය මහින්ද රාජපක්ෂ මහතා පැවසුවේ රත්නපුර ජනතාව දශක කිහිපයක් අපේක්ෂාවෙන් සිටි මැණික් කුලුනක් ඉදිවීමේ සිහිනය යථාර්ථයක් වන බවයි.

ඉදිරි වසර 04ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 05ක විදේශ විනිමය ලැබෙනු ඇතැයි රජය අපේක්ෂා කරන බව ද හෙතෙම සඳහන් කළා.