යුරෝපයේ වයස්ගතම සිස්ට ඇන්ඩ්‍රේ කොවිඩ් වැළඳී සුවය ලබයි

කොවිඩ් -19 ආසාදනයට ලක්වූ යුරෝපයේ වයස්ගතම පුද්ගලයා ලෙස සැලකෙන කන්‍යා සොයුරියක් සිය උපන් දිනයට පෙර දිනයේදී සුවය ලැබීමේ පුවතක් ප්‍රංශයෙන් වාර්තා වනවා.

එම කන්‍යා සොයුරියගේ 117වන උපන්දිනය හෙට (11) ට යෙදී තිබෙනවා.

පසුගිය ජනවාරි මස 16 වනදා ඇයට කොවිඩ් -19 වෛරසය ආසාදනය වී ඇතිබව තහවුරු වී තිබුණි.

කෙසේවෙතත්, කන්‍යා සොයුරියට කිසිදු රෝග ලක්ෂණයක් වර්ධනය වී නොමැති අතර පසුව ඇය වැඩිහිටි නිවාසයක ස්වයං නිරෝධායනයට ලක්වී තිබෙනවා.

විදෙස් මාධ්‍ය වාර්තා කළේ සති 3ක කාලයකට පසුව සිදුකළ පරීක්ෂාවේදී ඇය සුවය ලබා ඇති බවට ප්‍රංශ සෞඛ්‍ය අංශ විසින් තහවුරු කරගෙන ඇති බවයි.

1904 වසරේදී උපත ලද මෙම කන්‍යා සොයුරිය ලෝකයේ දෙවන වයස්ගත ම පුද්ගලයා ලෙස ද සැලකේ.

සිස්ට ඇන්ඩ්‍රේ ලෙස හඳුන්වන ඇය අන්ධය.

හෙට දිනයේදී සිය හිත මිතුරන් කිහිපදෙනෙක් සමග උපන්දිනය සමරන බව ඇය පැවසු බවද විදෙස් මාධ්‍ය වාර්තා කර තිබුණා.