ඩින්ඩා ක්‍රිකට් පිටියෙන් සමු ගනී

ඉන්දීය වේග පන්දු යවන ක්‍රීඩක අශෝක් ඩින්ඩා ක්‍රිකට් ක්‍රීඩාවෙන් සමු ගැනීමට තීරණය කර තිබෙනවා.

ඔහු පළමු පෙල තරග 116ක් ක්‍රීඩා කර ඇති අතර, එහිදී දවා ගෙන ඇති කඩුලු සංඛ්‍යාව 420ක්.

අශෝක් ඩින්ඩා මේ වන විට 36 හැවිරිදි වියේ පසුවනවා.

ඔහු එක්දින (List A) තරගවලදී සහ 20යි 20 තරගවලදී ඔහු කඩුලු 151 බැගින් දවා ගෙන තිබෙනවා.

එක්දින ජාත්‍යන්තර තරග 13කදී සහ 20යි 20 ජාත්‍යන්තර තරග 9කදී ඉන්දියාව නියෝජනය කළ අශෝක් ඩින්ඩා එහිදී පිළිවෙලින් කඩුලු 12ක් සහ 17ක් බිද හෙලීමට සමත් වුණා.