කොවිඩ් මරණයක් – සමස්ත මරණ ගණන 256ක් දක්වා ඉහළට

තවත් කොවිඩ් මරණයක් වාර්තා වී ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසනවා.

ඒ අනුව, මෙරටින් මේ දක්වා වාර්තා වී ඇති කොවිඩ් මරණ ගණන 256ක් දක්වා ඉහළ ගියා.

මෙලෙස මිය ගොස් ඇත්තේ ඇතුල්කොට්ටේ ප්‍රදේශයේ පදිංචිව සිටි 82 හැවිරිදි කාන්තාවකි.

ඇය කොළඹ ජාතික රෝහලේ සිට කොවිඩ් 19 ආසාදිතයෙකු ලෙස හඳුනා ගැනීමෙන් පසු බෝවන රෝග විද්‍යා ආයතනයට මාරුකර යවා තිබුණා.

එහිදී අද මියගොස් ඇති මෙම කාන්තාවගේ මරණයට හේතුව ලෙසට දැක්වෙන්නේ කොවිඩ් 19 ආසාදනය සමග උග්‍රවූ හෘද රෝගයක්.

මේ අතර මෙරටින් තවත් කොරෝනා වෛරස් ආසාදිතයන් 372ක් ද වාර්තාවී තිබෙනවා.

ඒ අනුව මෙරට සමස්ත ආසාදිතයන් සංඛ්‍යාව සටහන් වන්නේ 52309ක් ලෙසටයි.