මේ වනවිට හුදෙකලා තත්ත්වයේ පවතින ග්‍රාම නිලධාරීවසම් 8ක් හෙට (16) උදෑසන 5.00 සිට හුදෙකලාබවින් නිදහස් කිරීමට තීරණය කර ඇති රජයේ ප්‍රවෘත්ති දෙපාර්තමේන්තුව ප්‍රකාශ කළා.
ඒ අනුව ඇහැලියගොඩ, පානදුර සහ බේරුවල පොලිස් වසම්වල හුදෙකලා ඇති ප්‍රදේශ කිහිපයක හුදෙකලා බව හෙට (16) උදෑසන 5 සිට ඉවත් කිරීමට තීරණය කර තිබෙනවා.
මීට අමතරව පානදුර පොලිස් වසමේ 675 තොටවත්ත ග්‍රාම නිලධාරීවසමද හුදෙකලාබවින් නිදහස් වනබවයි එම නිවේදනයේ වැඩිදුරටත් දැක්වෙන්නේ.
මේ අතර කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය දැනුම්දෙන්නේ බේරුවල පොලිස් වසමේ මග්ගොඩ, නැගෙනහිර සහ මග්ගොන බටහිර ග්‍රාම නිලධාරී වසම් ද හෙට උදෑසන 5 සිට හුදෙකලා බවින් නිදහස් වන බවයි.
Discussion about this post