මඩකළපුවේ අරසඩි ග්‍රාම සේවා වසම හුදකලා කෙරේ

මඩකළපුවේ අරසඩි ග්‍රාම සේවා නිලධාරී වසම හුදකලා කර තිබෙනවා.

ඊ‌ට හේතුවී ඇත්තේ එම ග්‍රාම සේවා වසමේ ජීවිතක්ෂයට පත්වූ පුද්ගලයෙකුට කොවිඩ්-19 වෛරසය ආසාදනය වී ඇති බවට තහවුරුවීමත් සමගයි.

මඩකළපුව මහ නගර සභාවට අයත් පොදු වෙළදපොළ අසල මුවර් මාර්ගයේ පදිංචිව සිටි වයස අවුරුදු 79ක් වූ මොහු හෘදයාබාධයක් හේතුවෙන් මියගොස් ඇති අතර මියගිය පුද්ගලයා ක්ෂණික ප්‍රතිදේහජනක පරීක්ෂණයකට යොමු කර ඇති අතර, එහිදී කොරෝනා ආසාදනය වී ඇති බවට තහවුරු වී තිබෙනවා.

මෙම පුද්ගලයාගේ දේහයට අවසන් ගෙ$රව දැක්වීමට පුද්ගලයින් පිරිසක් ගොස් ඇති අතර, ඔවුන් මේ වන විට නිරෝධායනයට යොමු කර ඇත.

දිස්ත්‍රික්ක ප්‍රාදේශීය සෞඛ්‍ය සේවා අධ්‍යක්ෂක නාගලිංගම් මයුරන් මහතා පැවසුවේ කොවිඩ් ආසාදිතව මේ වන විට මඩකලපුව දිස්ත්‍රික්කය තුළ මියගිය සමස්තය පහක් වන බවයි.