විදෙස්ගතව සිටි තවත් 434 දෙනෙක් දිවයිනට

විදේශයන්හි සිට තවත් පුද්ගලයින් 434 දෙනෙකු අද(12) අලුයම දිවයිනට පැමිණ තිබෙනවා.

ඉන් වැඩිම පිරිස වන 311 දෙනෙක් මෙරටට පැමිණ ඇත්තේ කටාර් රාජ්‍යයේ සිටයි.

මේ අතර එක්සත් අරාබි එමිර් රාජ්‍යයේ සිට 46 දෙනෙක්, මාලදිවයිනේ සිට 76 දෙනෙක් සහ චීනයේ සිට එක් අයෙක් ද සෙසු පිරිස අතර වනවා.

මේ අතර විදේශයන්හී සිට තවත් 70කට වැඩි පිරිසක් අද(12) දිනය තුල දිවයිනට පැමිණීමට නියමිත බවයි වාර්තා වන්නේ.

අදාළ පිරිස එක්සත් අරාබි එමීර් රාජ්‍යය, තුර්කිය සහ ඉන්දුනීසියාව යන රටවල සිට එම පිරිස පැමිණීමට නියමිතයි.

මේ අතර ත්‍රිවිධ හමුදාව විසින් පාලනය කරනු ලබන මධ්‍යස්ථාන 75 ක් තුළ පුද්ගලයින් 6,267 දෙනෙකු මේ වන විට නිරෝධායනය වෙමින් සිටින බවයි කොවිඩ් 19 ව්‍යාප්තවීම වැළැක්වීමේ ජාතික ක්‍රියාන්විත මධ්‍යස්ථානය පවසන්නේ.