ගතවූ පැය 24 තුල නිරෝධායන නීති කැඩූ තවත් 34ක් අත්අඩංගුවට

ගතවූ පැය 24 ක කාලය තුල මුව ආවරණ නොපැලදීම සහ සමාජ දුරස්ථභාවය ආරක්ෂා නොකිරීම ඇතුළු නිරෝධායන නීති උල්ලංඝනය කළ පුද්ගලයන් 34 දෙනෙකු අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසනවා.

ඔවුන් සියලුදෙනාම අත්අඩංගුවට ගෙන ඇත්තේ බස්නාහිර පළාතෙන් පිටතදී වීම විශේෂත්වයක්.

පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා වැඩිදුරටත් කියා සිටියේ පසුගිය ඔක්තෝම්බර් 30 වනදා සිට මේ දක්වා කාලය තුල මුහුණු ආවරණ නොපලදී හා සමාජ දුරස්ථභාවය තබා නොගත් පුද්ගලයන් 2415ක් අත්අඩංගුවට ගෙන ඇති අතර ඉන් 2250 අසන්න ප්‍රමාණයකට නඩු පවරා ඇති බවයි.