වතු සේවකයන්ගේ දෛනික වැටුප රුපියල් දහසක් කිරීමට නම් තේ වතුවල කටුපොල් වගා කිරීමටද අවසර දෙන ලෙස වතු සමාගම් කිහිපයක් පසුගියදා කම්කරු ඇමැතිවරයාගෙන් ඉල්ලා තිබෙනවා.
කම්කරු අමාත්‍යාංශයේ ප්‍රකාශකයෙක් කියා සිටියේ වතු සමාගම් විසින් කළ මෙම නීති විරෝධී ඉල්ලීමට ඇමැති නිමල් සිරිපාල ද සිල්වා එක හෙළා විරුද්ධවූ බවයි.
කටු පොල් වගාව මේ වනවිට ශ්‍රී ලංකාවේ තහනම් කර ඇත. වතු සේවකයන්ගේ වැටුප රුපියල් දහසකින් වැඩි කිරීම සඳහා පසුගිය කාලයේ ඇමැතිවරයාගේද සහභාගිත්වයෙන් වතු සමාගම් සහ වෘත්තිය සමිති අතර සාකච්ඡා වට කීහිපයක් පැවැතිණි.
එම ප්‍රකාශකයා වැඩි දුරටත් කියා සිටියේ සාකච්ඡාවට පැමිණ සිටි වතු සමාගම් නියෝජිතයින් කිහිප දෙනෙකු ඇමැතිවරයාගෙන් ඉහත ඉල්ලීම කර ඇත්තේ වෘත්තීය සමිති නොමැති අවස්ථාවකදී බවයි.
Discussion about this post