පොඩී ලැසීගේ ගෝලයෙකු ආයුධ සමඟ මීටියාගොඩ දී අත්අඩංගුවට

මීටියාගොඩ, හරන්නාගල ප්‍රදේශයේදී විශේෂ කාර්ය බලකා මූලස්ථානයේ නිලධාරීන්ට ලද තොරතුරකට අනුව ගිනි අවි සහ උණ්ඩ සමඟ ඊයේ (22) රාත්‍රියේ පුද්ගලයෙකු අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ මේ වන විට රක්ෂිත බන්ධනාගාරයේ පසුව පොඩී ලැසීගේ ගෝලයෙකු වන 30 හැවිරිදි වියේ පසුවන සැකකරු හිටපු නාවික හමුදා සෙබළෙකුයි.

මොහු සන්තකයේ තිබී චීනයේ නිෂ්පාදිත NP 34 වර්ගයේ මිලි මීටර් 09 වර්ගයේ උණ්ඩ යෙදිය හැකි ස්වයංක්‍රීය පිස්තෝල 01ක්, මිලි මීටර් 09 ජීව උණ්ඩ 02ක් සහ මිලි මීටර් 38 වර්ගයේ උණ්ඩ 06ක් යෙදිය හැකි ආකාරයට සකස් කරන ලද මෙරට නිෂ්පාදිත ගිනි අවියක් සොයාගෙන තිබෙනවා.

පොලිසිය පැවසුවේ සැකකරු බලපිටිය මහේස්ත්‍රාත් අධිකරණයට ඉදිරිපත් කිරීමට නියමිත බවයි.