එංගලන්තයට ලකුණු 74ක ඉලක්කයක්

සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර පළමු ටෙස්ට් ක්‍රිකට් තරගයේ ශ්‍රී ලංකා දෙවන ඉනිම සියලු දෙනා දැවී ලකුණු 359කට සීමාවිය.

ශ්‍රී ලංකා ඉනිම වෙනුවෙන් ලහිරු තිරිමාන්න ශතකයක් ලබාගත් අතර ඔහු රැස්කළ ලකුණු සංඛ්‍යාව 111කි.

ඇන්ජලෝ මැතිව්ස් ලකුණු 71ක් රැස් කළා.

ඒ අනුව එංගලන්ත කණ්ඩායමට තරගය ජය ගැනීම සඳහා හිමිව ඇත්තේ ලකුණු 74ක ඉලක්කයක්.

තරගය පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගණයේ දී ය.

ලකුණු 74ක ජයග්‍රාහී ඉලක්කයක් හඹා යමින් සිටි එංගලන්තය සිය දෙවැනි ඉනිමේ දී කඩුලු 3ක් දැවී ලබා සිටි ලකුණු සංඛ්‍යාව 38ක්.

ඩොම් සිබ්ලි ලකුණු 2කටත්,  සැක් ක්‍රව්ලි ලකුණු 8කටත් දවා ගැනීමට ලසිත් ඇඹුල්දෙණිය සමත් වුණා.

පළමු ඉනිමේ දී ද්විත්ව ශතකයක් වාර්තා කළ ජෝ රූට් එක් ලකුණකට දුවද්දී දැවී ගියා.

එංගලන්ත ඉනිමේ පළමු කඩුලු 3 බිද වැටුණේ ලකුණු 14ක් ලබා සිටියදීයි.

තරගය ජය ගැනීම සදහා එංගලන්තය හෙට දිනයේ දී තවත් ලකුණු 36ක් ලබා ගත යුතුයි.

අද දිනය ආරම්භ කරන විට සිය දෙවන ඉනිම ක්‍රීඩා කරමින් සිටි ශ්‍රී ලංකා කණ්ඩායම සියලු දෙනා දැවී ලබා ගත් ලකුණු සංඛ්‍යාව 359ක්.

සිය දෙවන ටෙස්ට් ශතකය වාර්තා කළ ළහිරු තිරිමාන්න ලකුණු 111ක් රැස් කළා.

ඔහුගේ ඉනිමට හතරේ පහර 12ක් ඇතුළත්.

පන්දු යැවීමේ දී ජැක් ලීච් කඩුලු 5ක් දවා ගත් අතර, ඩොම් බෙස් කඩුලු 3ක් බිද හෙලුවා.

ගාල්ලේ පැවැත්වෙන තරගයේ කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකාව සිය පළමු ඉනිම සදහා සියලු දෙනා දැවී ලකුණු 135ක් ලබා ගත් අතර, පිළිතුරු ලෙස එංගලන්තය ලකුණු 421ක් ලබා ගත්තා.