විදෙස්ගත ලාංකිකයන් 1115 දෙනෙකු අද දිවයිනට

කටුනායක බණ්ඩාරනායක ජාත්‍යන්තර ගුවන් තොටුපළේ අද (16) උදෑසන 8.30 න් අවසන්වූ පැ 24 ක කාළය තුළ මගී ගුවන් යානා 22 ක් මගින් ශ්‍රී ලාංකික ගුවන් මගීන් 1115 දෙනෙකු මෙරටට රැගෙන ආ බව ගුවන් තොටුපළ කාර්යය භාර නිලධාරීවරයා පවසනවා.

මෙම ගුවන් මගීන් අතුරින් 607 දෙනෙකු ගුවන් යානා 10 කින් කටුනායක ගුවන් තොටුපළ ඔස්සේ මෙම කාළසීමාව තුළ ශ්‍රී ලංකාවට පැමිණ තිබෙනවා.

විදේශ ගත ශ්‍රී ලාංකිකයන් කණ්ඩායම් වශයෙන් ශ්‍රී ලංකාවට ගෙන්වන වැඩසටහන යටතේ ඕමානයේ රැදී සිටි ලංකිකයන් 283 දෙනෙකු රැගෙන විත් තිබූ අතර රජයේ විශේෂ අවසරය මත තවත් 324 දෙනෙකු මෙන්ම සුඩානයේ එක්සත් ජාතීන්ගේ සංවිධානයේ සාම සාධක හමුදා රාජකාරී සදහා ගොස් සිටි ශ්‍රී ලාංකික යුධ හමුදා නිලධාරීන් 70 දෙනෙකු ද මෙරටට පැමිණි තිබෙනවා.

මෙම පිරිස පෞද්ගලික රෝහල් කාර්යය මණ්ඩල විසින් පී.සී.ආර්.පරීක්ෂණ වලට ලක් කිරීමෙන් පසුව , නීරෝධායනය සදහා සංචාරක හෝටල් වෙත යොමු කර ඇත.

එසේම ශ්‍රී ලාංකික ගුවන් මගීන් 508 දෙනෙකු ගුවන් යානා 12 කින් කටුනායක ගුවන් තොටුපළෙන් පිටත්ව ගොස් තිබෙන බවද ගුවන් තොටුපළ කාර්යය භාර නිලධාරීවරයා සදහන් කළා.