සුව ඇමැති සුව අතට

කොවිඩ් – 19 වයිරසය ආසාදනය වූ සෞඛ්‍ය ඇමැතිනී පවිත්‍රා වන්නිආරච්චි මහත්මිය මේ වන විට සුව අතට පත් වෙමින් සිටින බව සෞඛ්‍ය අමාත්‍යාංශය පවසනවා.

එම අමාත්‍යංශය පෙන්වා දෙන්නේ අයි.ඩී.එච්. රෝහලේ දැඩි සත්කාර ඒකකයේ සෞඛ්‍ය ඇමැතිනී මේ වන විට ප්‍රතිකාර ලබමින් සිටින අතර ඇගේ තත්ත්වය සාමාන්‍ය අතට පත්වෙමින් තිබෙන බවයි.

වයිරසය ආසාදනය වීම හේතුවෙන් මේ වන විට දින 10ක පමණ කාලයක් රෝහලේ ප්‍රතිකාර ලබමින් සිටින බවත් ඉදිරි දින තුන හතර තුළදී ඇමැතිවරියට රෝහලෙන් පිටව යා හැකි මට්ටමේ තත්ත්වයක් පවතින බවද අමාත්‍යාංශය පවසනවා.

වයිරසය ආසාදනය වීම නිසා පැවැති රෝග ලක්ෂණ මේ වන විට ඇමැතිවරියගෙන් පහව ගොස් ඇති අතර උණ තත්ත්වයද අඩු වී ඇති බව අමාත්‍යාංශය පෙන්වා දෙනවා.

ඇමැතිවරිය රෝහලෙන් පිටව යෑමෙන් පසු තවදුරටත් ස්වයං නිරෝධායනයට ලක් කිරීමට නියමිතයි.