සියලු විශ්වවිද්‍යාල සිසුන්ට කොරෝනා එන්නත

සියලු ම විශ්වවිද්‍යාල සිසු සිසුවියන්ට කොරෝනා මර්දන එන්නත් ලබා දීමට තීරණය කර ඇතැයි විශ්වවිද්‍යාල ප්‍රතිපාදන කොමිෂන් සභාව පවසනවා.

එහි සභාපති මහාචාර්ය සම්පත් අමරතුංග මහතා සඳහන් කළේ, අදියර කිහිපයක් යටතේ සියලු විද්‍යාර්ථීන්ට එන්නත ලබා දීමට පියවර ගන්නා බවයි.

මේ සම්බන්ධයෙන් යෝජනාවක් සෞඛ්‍ය සේවා අධ්‍යක්ෂ ජෙනරාල්වරයා වෙත ඉදිරිපත් කර ඇති අතර පළමු අදියරේදී විශ්වවිද්‍යාල වෛද්‍ය පීඨවල හා දන්ත වෛද්‍ය පීඨවල සායනික පුහුණුව සඳහා යන සිසුන්ට කොරෝනා මර්දන එන්නත් ලබාදීමට නියමිත බව ද ඔහු කියාසිටියා.

පසුව සෙසු විශ්වවිද්‍යාල සිසුන්ට ද කොරෝනා මර්දන එන්නත් ලබා දීමට යෝජනා කර තිබෙනවා.

විශ්වවිද්‍යාලවල අධ්‍යයන කටයුතු හදාරන සමස්ත සිසුන් සංඛ්‍යාව 140,000 කට අධිකයි.