ශෙහාන් ජයසූරිය ශ්‍රී ලංකා ක්‍රිකට් ක්‍රීඩාවෙන් සමුගනී

ශ්‍රී ලංකා තුන් ඉරියව් ක්‍රීඩක ක්‍රීඩක ශෙහාන් ජයසූරිය මෙරට ක්‍රිකට් ක්‍රීඩාවට සමු දීමට තීරණය කර තිබෙනවා.

ඔහු ශ්‍රී ලංකා ක්‍රිකට් ආයතනයට දැනුම් දී ඇත්තේ ඉදිරියේ දී දේශීය හෝ ජාත්‍යන්තර තරග සදහා වන තේරීම් වෙනුවෙන් තමා ඉදිරිපත් නොවන බවයි.

ඒ, පසුගියදා විවාහ දිවියට ඇතුළත් වූ ඔහු සිය පවුලේ සාමාජිකයින් සමග අමෙරිකා එක්සත් ජනපදයේ පදිංචිය සදහා පිටත්ව යාමට තීරණය ගෙන ඇති බැවිනි.

29 හැවිරිදි ශෙහාන් ජයසූරිය ශ්‍රී ලංකාව වෙනුවෙන් එක්දින ජාත්‍යන්තර තරග 12කට සහ 20යි 20 ජාත්‍යන්තර තරග 18කට ක්‍රීඩා කර තිබුණා.