වියළි කහ සහ කේරළ ගංජා සමග සැකකරුවන් 3ක් අත්අඩංගුවට

මන්නාරම කාර්සල් සහ තාවුල්පාඩු වෙරළ ආසන්න මුහුදු ප්‍රදේශයේ නාවික හමුදාව සිදු කළ සෝදිසි මෙහෙයුමකින් කේරළ ගංජා සහ වියළි කහ තොගයක් සොයාගෙන තිබෙනවා.

නාවික හමුදාව කියාසිටියේ වියළි කහ කිලෝ 400කට වැඩි ප්‍රමාණයක් නීති විරෝධී ලෙස මුහුදු මාර්ගයෙන් මෙරටට රැගෙන ඒමට උත්සාහ කර ඇති අතර ඊට අදාළව සැකකරුවන් දෙදෙනෙකු අත්අඩංගුවට ගත් බවයි.

කේරළ ගංජා කිලෝ 2කට වැඩි ප්‍රමාණයක් සමග ද සැකකරුවෙකු අත්අඩංගුවට ගැනුනා.

සැක සහිත යාත්‍රාවක් පරීක්ෂා කිරීමේදී එම යාත්‍රාව් මලු 12ක අසුරා තිබියදී කහ තොගය සොයාගෙන තිබෙනවා.

අත්අඩංගුවට ගත් සැකකරුවන් පේසාලේ සහ මන්නාරම ප්‍රදේශවල පදිංචිකරුවන්.

ඔවුන් නිරෝධායන ක්‍රියාවලිය සඳහා සිලාවතුර මහජන සෞඛ්‍ය පරීක්ෂක වෙත භාරදී ඇති අතර කේරළ ගංජා වැඩිදුර විමර්ශණ සඳහා මන්නාරම පොලිසියට භාරදී ඇති අතර වියළි කහ තොගය යාපනය රේගු කාර්යාලයට භාරදී තිබෙනවා.