විදේශ අමාත්‍යාංශයෙන් විශේෂ දැනුදීමක්

ශ්‍රී ලංකා විදේශ අමාත්‍යාංශය මෙරටට පැමිණෙන සහ මෙරටින් පිටතට යන සියලුම සංචාරකයින්ගෙන් ඉල්ලීමක් කර සිටිනවා.

ඒ ශ්‍රී ලංකාවට හෝ වෙනත් ඕනෑම තෙවැනි රටකට ඇතුළුවීමට අවසර ලබාදීම සඳහා ඕනෑම ආකාරයක මූල්‍යමය අයකිරීමක් ඉල්ලා සිටින පුද්ගලයින්ගෙන් ප්‍රවේශම් වන ලෙසයි.

අදාළ රාජ්‍ය ආයතනවලට හැර, ශ්‍රී ලංකාවට ඇතුළුවීමට හෝ පිටවීමට පහසුකම් සැලසීම සඳහා ශ්‍රී ලංකා රජය විසින් කිසිදු පුද්ගලයෙකුට හෝ ආයතනයකට අවසර දී නොමැති බවයි විදේශ අමාත්‍යාංශය නිවේදනය කරන්නේ.

එම අමාත්‍යාංශය වැඩිදුරටත් දැනුම් දෙන්නේ මෙරට තුළ ආසාදිතයන් සංඛ්‍යාව ඉහළ යාම හේතුවෙන් තාවකාලිකව අත්හිටුවන ලද නැවත මෙරටට ගෙන්වා ගැනීමේ ක්‍රියාවලිය, වඩාත් අවදානමට ලක්විය හැකි සහ සුදුසුම පුද්ගලයන්ට ප්‍රමුඛතාවය දෙමින් ඉදිරි සතිවල දී නැවත ආරම්භ කරන බවයි.