විදේශයන්හි සිරවී තවත් ශ්‍රී ලාංකිකයින් 423 දෙනෙකු දිවයිනට

කොරෝනා ව්‍යාප්තිය හේතුවෙන් විදේශන්හි සිරවී සිටි තවත්, ශ්‍රී ලාංකිකයින් 423 දෙනෙකු කටුනායක ගුවන්තොටුපල හරහා දිවයිනට පැමිණ තිබෙනවා.

ගුවන්තොටුපල වාර්තාකරු සඳහන් කළේ අද පෙරවරු 8.30 න් අවසන් වූ ගෙවුණු පැය 24 තුළ ගුවන් ගමන් 9 ක් මගින් මෙම පිරිස දිවයිනට පැමිණි බවයි.

එම පිරිස අතරට, සෞදි අරාබියේ සිට පැමිණි ශ්‍රී ලාංකිකයින් 75 දෙනෙකු සහ කටාර් රාජ්‍යයේ සිට පැමිණි 45 දෙනෙකු ද ඇතුළත්.

එමෙන්ම, ගුවන් ගමන් 11 ක් තුලදී 495 දෙනෙකු රැකියා සඳහා විදේශ රටවල් බලා පිටත්ව ගොස් තිබෙනවා.