වසර 5කට පසු අඩුම ඩෙංගු රෝගීන් පහළට

ජාතික ඩෙංගු මර්දන ඒකකය ප්‍රකාශ කළේ වසර 5කට පසු අඩුම ඩෙංගු රෝගීන් වාර්තා වී ඇත්තේ පසුගිය වසරේ දී බවයි.

එමෙන්ම එය 2019 වසරට සාපේක්ෂව සියයට 70ක පහළ යාමක්.

ඩෙංගු මර්දන ඒකකයේ අධ්‍යක්ෂ වෛද්‍ය අරුණ ජයසේකර ප්‍රකාශ කළේ කොරෝනා වෛරස බලපෑම හේතුවෙන් මෙලෙස ඩෙංගු රෝගීන් වාර්තා වීම අවම වී ඇති බවටයි.

ඊට හේතුව රට වසා දමා තිබූ කාලසීමාව තුළ මෙන්ම කොරෝනා වෛරසය හේතුවෙන් පුද්ගලයින්ගේ සංචරණ කටයුතු අවම වීමයි.

පසුගිය වසරේ කොරෝනා රෝගීන් 31,084ක් වාර්තා වී ඇති අතර, 2019 වසරේ වාර්තා වී තිබූ ඩෙංගු රෝගීන් සංඛ්‍යාව 105049ක්.

මෙම වසරේ මේ දක්වා කාලසීමාව තුළ ඩෙංගු රෝගීන් 2362ක් වාර්තා වී ඇති අතර ඉන් බහුතරයක් වාර්තා වී ඇත්තේ මඩකලපුව දිස්ත්‍රික්කයෙන් වන එම සංඛ්‍යාව 1441ක්.

කොළඹ දිස්ත්‍රික්කයෙන් රෝගීන් 187ක් වාර්තා වී ඇති අතර ගම්පහ දිස්ත්‍රික්කයෙන් වාර්තා වී ඇති රෝගීන් සංඛ්‍යාව 111ක්.