වසර 14කට පසු දකුණු අප්‍රිකානු කණ්ඩායම පාකිස්තානයේ තරග සංචාරයක

වසර 14කට පසු දකුණු අප්‍රිකානු කණ්ඩායම පාකිස්තානයේ තරග සංචාරයක නිරත වීමට නියමිතයි.

ඒ සඳහා ක්වින්ටන් ඩීකොක්ගේ නායකත්වයෙන් යුත් 21 දෙනෙකුගෙන් සමන්විත ටෙස්ට් සංචිතය පසුගියදා (08) නිවේදනය කළා.

දකුණු අප්‍රිකානු කණ්ඩායම වසර 14කට පසු පාකිස්තානය බලා පිටත්ව යාමට නියමිත අතර ඒ ටෙස්ට් තරග 2ක් සහ විස්සයි විස්ස තරග 3ක් සඳහායි.

ඒ සඳහා 21 දෙනෙකුන් සමන්විත දකුණු අප්‍රිකානු ටෙස්ට් සංචිතය ද 08 වනදා නම් කළ අතර ඊට වේග පන්දු යවන ක්‍රීඩක කාගිසෝ රබාඩා ඇතුළත් කර තිබෙනවා.

එම සංචිතය සඳහා නවක ක්‍රීඩකයින් වන ඩැරින් ඩුපාවිලන් සහ ඔට්නියෙල් බර්ට්මන් ඇතුළත්.

ඒ අනුව දකුණු අප්‍රිකානු කණ්ඩායම එළඹෙන සිකුරාදා විශේෂිත ගුවන් යානයකින් පාකිස්තානය බලා පිටත්ව යාමට නියමිත අතර ඔවුන් කරච්චි හිදී නිරෝධානයට යොමු වීමෙන් පසු පුහුණුවීම් ආරම්භ කිරීමට නියමිතයි.

දෙරට අතර ටෙස්ට් තරගාවලිය ජනවාරි මස 26 වැනිදා කරච්චි ක්‍රීඩාංගනයේදී ආරම්භ වන අතර විස්සයි විස්ස තරගාවලිය ආරම්භ වන්නේ පෙබරවාරි 11 වැනිදායි.