ලොව පුරා කොරෝනා ආසාදිතයන් සංඛ්‍යාව ලක්ෂ 913 ඉක්මවයි

ලොව පුරා කොවිඩ් 19 ආසාදිතයන්ගේ සංඛ්‍යාව 91,302,712ක් දක්වා ඉහළ ගොස් තිබෙනවා.

ඉන් ආසාදිතයන් 65,271,242 දෙනෙක් සුවය ලබා ඇති අතර තවත් ආසාදිතයන් 1,952,164 දෙනෙක් මරණයට පත්ව තිබෙනවා.

එක් රටක් ලෙස ගත් කළ ලොව වැඩිම ආසාදිතයන් සංඛ්‍යාව වාර්තා වන්නේ අමෙරිකාවෙනි.

එම සංඛ්‍යාව 23,141,136ක්.

ඉන් ආසාදිතයන් 13,676,998 දෙනෙක් සුවය ලබා ඇති අතර ආසාදිතයන් 385,260 දෙනෙක් මරණයට පත්ව තිබෙනවා.

අමෙරිකාවෙන් ගෙවී ගිය පැය 24ක කාලය තුළ වාර්තා වන මරණ සංඛ්‍යාව 1924ක්.

මේ අතර ආසාදිතයන් සංඛ්‍යාව සැලකීමේදී ඉන්දියාව දෙවන ස්ථානයට පත්ව සිටින්නේ සමස්ත ආසාදිතයන් සංඛ්‍යාව 10,479,913ක් දක්වා ඉහළ යාම හේතුවෙන්.

ඉන්දියාවේ සමස්ත ආසාදිතයන්ගෙන් මේ වන විට ආසාදිතයන් 151,364 දෙනෙක් මරණයට පත්ව ඇති අතර සුවය ලැබූවන්ගේ සංඛ්‍යාව 10,110,710ක් දක්වා ඉහළ ගොස් ඇති බවයි විදෙස් පුවත් සේවා වාර්තා කරන්නේ.

කොරෝනා වෛරස ආසාදිත මරණ සංඛ්‍යාව සැලකීමේදී දෙවන ස්ථානයට පත්ව සිටින්නේ මරණ 203,617ක් වාර්තා වන බ්‍රසීලයයි.

ඒ අනුව බ්‍රසීලයෙන් සමස්ත ආසාදිතයන් 8,133,833ක් වන අතර ඉන් ආසාදිතයන් 7,207,483 දෙනෙක් සුවය ලබා තිබෙනවා.

මේ අතර ආසාදිතයන් 48,027ක් වාර්තා කරන ශ්‍රී ලංකාව 94 වන ස්ථානයට පත්ව සිටිනවා.