ලන්ඩනයට හදිසි ආපදා තත්ත්වයක් ක්‍රියාත්මක කර තිබෙනවා.
නගරාධිපති සදික් ඛාන් සිය නිල ට්විටර් ගිණුමේ සටහනක් තබමින් ප්‍රකාශ කර ඇත්තේ ලන්ඩනයේ සෑම පුද්ගලයින් 30 දෙනෙකුගෙන් එක් අයෙකු කොරෝනා ආසාදිතයන් බවට හඳුනාගැනෙන බවයි.
ඒ අනුව ඊයේ සිටයි මෙම හදිසි ආපදා තත්ත්වය ලන්ඩනයට ක්‍රියාත්මක කෙරුණේ.
ලන්ඩන් නගරාධිපති සදික් ඛාන් සිය නිල ට්විටර් ගිණුමේ සටහන මඟින් වැඩිදුරටත් ප්‍රකාශ කර ඇත්තේ කඩිනම් ක්‍රියාමාර්ග නොගතහොත් රෝහල් පහසුකම් නොමැතිකම හේතුවෙන් රෝගීන් මියයාමේ අවදානමක් මේ වනවිට මතුව ඇති බවයි.
පසුගිය සතිය තුළ පමණක් ලන්ඩනයේ ආසාදිතයන් සියයට 27 කින් වැඩිවී ඇති අතර, ලන්ඩනයේ වෛරසය පාලනයෙන් තොරව ව්‍යාප්ත වන බැවින් දැවැන්ත මූල්‍ය සහයක් අවශ්‍ය බව දන්වා අගමැති බොරිස් ජොන්සන් වෙත නගරාධිපතිවරයා ලිඛිත දැනුම්දීමක්ද සිදුකර තිබෙනවා.
Discussion about this post