රුපියල් 150,000ක අල්ලසක් ලබාගත් මහනුවර මහ නගර සභාවේ නාගරික මන්ත්‍රීවරුන් දෙදෙනෙකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් අද(05) පස්වරුවේ කළ වැටලීමකදී අත්අඩංගුවට ගෙන තිබෙනවා.
අල්ලස් හෝ දූෂණ චෝදනා කොමිසමේ විමර්ශන අධ්‍යක්ෂ, ජ්‍යෙෂ්ඨ පොලිස් අධිකාරි පද්මිණී වීරසූරිය මහත්මිය කියා සිටියේ මහනුවර කටුගස්තොට පාලම අසල ඩිජිටල් පුවරුවක් සවිකිරීම සඳහා මහනුවර මහ නගර සභාව මූලික අනුමැතියක් ලබාදී ඇති බවත් එම කටයුතු කඩිනම් කිරීම සඳහා මෙම මන්ත්‍රීවරුන් පැමිණීලිකරුගෙන් මෙලෙස අල්ලසක් ඉල්ලා ඇති බවත්ය.
මහනුවර ප්‍රදේශයේ පෞද්ගලික රෝහලක රථ ගාලකදී සැකකරුවන් දෙදෙනා අත්අඩංගුවට ඇති අතර අත්අඩංගුවට ගත් නාගරික මන්ත්‍රීවරුන් දෙදෙනා අධිකරණයට ඉදිරිපත් කිරීමට නියමිතයි.
Discussion about this post