රැප් ගායක පැබ්ලෝ හසෙල් සිරගත කිරීමට එරෙහිව ආරම්භවූ විරෝධතා තවදුරටත්

විරෝධාකල්ප ගී ගයන ස්පාඤ්ඤ ජාතික පැබ්ලෝ හසෙල් (Pablo Hasel) සිරගත කිරීමට එරෙහිව ස්පාඤ්ඤයේ ආරම්භවූ විරෝධතාවයන් තව දුරටත් ක්‍රියාත්මක වනවා.

පැබ්ලෝ සිරගත කෙරුණේ ඔහුගේ ගීත නිර්මාණ හරහා ත්‍රස්තවාදය උත්කර්ෂයට නැංවීමක් සහ රාජකීයත්වයට අපහාස කිරීමක් සිදුවන බවට චෝදනා එල්ල කරමින්.

මෙම අත්අඩංගුවට ගැනීමට එරෙහිව බාසිලෝනා නුවර පැවති විරෝධතාවකට දහස් සංඛ්‍යාත පිරිසක් එක්ව සිටිබව විදෙස් මාධ්‍ය වාර්තා කරනවා.

දින කිහිපයකට සිට අඛණ්ඩව සිදුවන මේ විරෝධතා අතරතුර කලහකාරී සිදුවීම් ද වාර්තා වී තිබෙනවා.

රටෙහි පවත්නා බල අධිකාරයට එරෙහිව සටන් වදින රැප් ගායන ශිල්පියෙක් ලෙස හසෙල් ජනතාව අතර ප්‍රසිද්ධියක් උසුලනවා.