බන්ධනාගාර ගතව සිටි රැඳවියන් 2,961 දෙනෙකු මාර්තු මස 17 වනදා සිට ඊයේ (04) දක්වා ඇප මත මුදාහැර ඇති බව ජනාධිපති මාධ්‍ය අංශය සඳහන් කරයි.
 
ජනාධිපති ගෝඨාභය රාජපක්ෂ මහතාගේ උපදෙස් මත පත් කෙරුණු විශේෂ කමිටුවේ නිර්දේශ මත අධිකරණ නියමයෙන් මෙම රැඳවියන් නිදහස් කර ඇති බව නිවේනයක් නිකුත් කරමින් ජනාධිපති මාධ්‍ය අංශය කියා සිටී.
 
ඒ අනුව, දඩ ගෙවා ගැනීමට නොහැකි, ඇප ලබාදී තිබුණද ඇප කොන්දේසි සම්පූර්ණ කරගත නොහැකි, ඉතා සුළු වැරදි වලට සිරගතවූවන් හා දඬුවම් කාලයෙන් වැඩි කොටසක් අවසන් කර ඇති, ඉතා බරපතළ සෞඛ්‍ය ‍‍හේතූන්ගෙන් පීඩා විඳින දීර්ඝ කාලයක් බන්ධනාගාර ගතව සිටින්නන් සහ ඇප ලබාදීමක් හෝ චෝදනා ගොනුකර නඩු විභාගයක් සිදුකර නැති සිරකරුවන් පිළිබඳව මෙහිදී සැලකිල්ලට ගෙන තිබේ.
 
මුදා හරින ලද රැඳවියන් පිරිස අධිකරණය ලබාදී ඇති සහනය කඩ නොකර, පනවා ඇති කොන්දේසි ඉටුකරමින් යහපත් අන්දමින් සමාජයේ හැසිරිය යුතු බවට ද අවධාරණය කර ඇත.

මෙන්න බලන්න තවත් පුවත්