මෝදර ප්‍රදේශය වැඩිහිටි නිවාසයක පුද්ගලයින් 45 දෙනෙකුට කොවිඩ් වෛරසය ආසාදනය වී ඇතැයි තහවුරු වී තිබෙනවා.
මෝදර සෞඛ්‍ය වෛද්‍ය නිලධාරී වෛද්‍ය සසංක රණසිංහ මහතා සඳහන් කළේ පසුගියදා සිදුකළ පීසීආර් පරීක්ෂණ 98 ක් අතරින් මෙම පිරිස හඳුනාගත් බවයි.
පසුගියදා අදාළ වැඩිහිටි නිවාසයේ පුද්ගලයෙකු මියගොස් ඇති අතර ඔහුට කොවිඩ් නයින්ටීන් වෛරසය ආසාදනය වී ඇති බවට තහවුරු වීම හේතුවෙන් එම වැඩිහිටි නිවාසයේ අනෙක් පිරිස ද පී.සී.ආර් පරීක්ෂණයට යොමු කර තිබෙනවා.
ඒ අනුව මෙම නව ආසාදිතයින් හඳුනාගෙන ඇති බව වෛද්‍ය සසංක රණසිංහ මහතා වැඩිදුරටත් සඳහන් කළා.
Discussion about this post