මිරිස්සේ කොකනට් හිල් නැවතත් දෙස් විදෙස් සංචාරකයන් හට විවෘත වෙයි

කොන්ක්‍රීට් කම්බි කණු ගැසීමක් සමග රටේම අවධානය යොමුවූ මිරිස්සේ කොකනට් හිල් නැවතත් දෙස් විදෙස් සංචාරකයන් හට විවෘත කිරීමට තීරණය කර තිබෙනවා.

වැලිගම ප්‍රාදේශීය සභාවේ සභාපති පුෂ්පකුමාර බැට්ටගේ මහතා ප්‍රකාශ කළේ මාතර දිස්ත්‍රික් ලේකම්කාර්යාලයේ පැවැති විශේෂ රැස්වීමකින් අනතුරුව මෙම තීරණය ගත් බවයි.

එහිදී වැඩිදුරටත් අදහස් දක්වමින් සභාපතිවරයා ප්‍රකාශ කළේ එම ස්ථානයේ කිසිදු ඉදිකිරීමක් සිදුකිරීමට අවසර ලබානොදීමට එහිදී තීරණය කර තිබෙනවා.

මෙම භූමිය බොහෝ කාලයක සිට දේශීය මෙන්ම විදේශීය සංචාරකයන්ගේද ආකර්ශනයට ලක්වූ ස්ථානයක්.

මෙහි කොන්ක්‍රීට් කණු සවි කිරීමේ සිද්ධිය සම්බන්ධයෙන් සමාජ මාධ්‍ය ඔස්සේ දැඩි කථාබහක්ද ඇතිවුණා.

අනතුරුව හිරු ප්‍රවෘත්ති අංශය කළ සොයාබැලීමකදී අනාවරණ වූයේ මෙම ඉඩම ශ්‍රී ලාංකිකයෙකුට සහ විදේශිකයෙකුට අයත් බවටයි.

එහි පර්චස් 400 ක් පමණ පවතින අතර, ඉන් පර්චස් 80 ක අයිතිය පවතින්නේ විදේශිකයා සතුවයි. අනෙක් පර්චස් 320 මෙරට පුද්ගලයා සතු වනවා.

අදාළ භූමියේ කොන්ක්‍රීට් කණු සවි කිරීමට මෙරට පුද්ගලයා කටයුතු කර ඇති බවයි අනාවරණ වූයේ.