බ්‍රිතාන්‍ය වසා දැමීම පෙබරවාරි දක්වා දීර්ඝ කෙරේ

කොරෝනා වසංගත තත්වය හමුවේ එංගලන්තය තුළ සිදුකළ වසා දැමීම් පෙබරවාරි මාසයේ මැද භාගය දක්වා දීර්ඝ කර තිබෙනවා.

අගමැති බොරිස් ජොන්සන් ප්‍රකාශ කළේ සියලු පාසල් සහ විද්‍යාල අද සිට වසා තැබෙන බවයි.

ඔහු පෙන්වා දෙන්නේ රෝගීන් වැඩි වශයෙන් වාර්තාවීම හේතුවෙන් එළඹෙන සතිය ඉතා අවදානම් බවයි.

ගතවූ පැය 24 බ්‍රිතාන්‍යයෙන් ආසාදිතයන් 58,784 දෙනෙකු වාර්තාවීමත් සමඟ එරට සමස්ත ආසාදිත සංඛ්‍යාව 27 ලක්ෂ 13,563 ක් දක්වා ඉහළ ගියා.

මේ අතර ලොව පුරා කොරෝනා ආසාදිත සංඛ්‍යාව අටකෝටි 60 ලක්ෂ 78,700 දක්වා ඉහළ ගොස් ඇති අතර, මරණ සංඛ්‍යාව දැක්වෙන්නේ 18 ලක්ෂ 59,756ක් ලෙසයි.