පසුගිය පැය 24ක කාලය තුලදී රිය අනතුරු හේතුවෙන් පුද්ගලයන් 12 දෙනෙකු ජිවිතක්ෂයට පත්ව ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසනවා.
එසේම බිමතින් රිය පැදවූ රියදුරන් 253 දෙනෙකු එම කාලය තුළ අත්අඩංගුවට ගත් බවයි ඔහු වැඩිදුරටත් කියා සිටියේ.
එසේම කොවිඩ් වසංගතයට පෙර රටේ දිනකට මියගිය සංඛ්‍යාව 8 – 9ක් පමණ වූ බවත් කෙසේ නමත් ගතවූ පැය 24ක කාලයේ 12 දෙනෙකු මියගොස් තිබෙනවා.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා වැඩිදුරටත් අදහස් දක්වමින් මෙලෙස කියා සිටියා.
”මෑත දින 10 කාලය තුළ වැඩිම පිරිසක් මියගිය පැය 24ක කාලපරිච්ජේදය හැටියට මෙය හඳුන්වන්න පුළුවන්. සාමාන්‍යයෙන් කොවිඩ් වසංගතයට පෙර අපේ රටේ දිනකට මියගිය සංඛ්‍යාව 8 – 9ක් වගේ වෙනවා. නමුත් පසුගිය පැය 24 තුළ 12 දෙනෙක් මියගොස් තිබෙනවා. එමෙන්ම දෙසැම්බර් 20 සිට අද උදෑසන 6 දක්වා කාලය තුළ ලංකාවේ රියඅනතුරුවලින් මියගිය සංඛ්‍යාව 65ක් පමණ වෙනවා. ඒ වගේම පසුගිය පැය 24ක කාලය තුළ රියඅනතුරුවලින් 40 දෙනෙක් පමණ තුවාල ලබා තිබෙනවා. මෙයින් 6 දෙනෙක් බරපතළ අය. ”
Discussion about this post