පාස්කු ප්‍රහාරය පිළිබඳ ජනාධිපති කොමිසමේ සාක්ෂි සහ ප්‍රකාශ නීතිපතිවරයා ඉල්ලයි

පාස්කු ඉරිදා ප්‍රහාරයට සම්බන්ධ සැකකරුවන්ට එරෙහිව චෝදනා ගොනු කිරීම පිළිබඳව සලකා බලමින් සිටින බව නීතිපතිවරයා පවසනවා.

නීතිපතිවරයාගේ සම්බන්ධීකරණ නිලධාරිනී රජයේ අධිනීතිඥ නිශාරා ජයරත්න මහත්මිය සඳහන් කළේ අදාළ සැකකරුවන් වෙතින් පාස්කු ඉරිදා ප්‍රහාරය විමර්ශනය කරන ජනාධිපති කොමිසම වාර්තා කර ඇති ප්‍රකාශ ලබා ගැනීමට කටයුතු යොදා ඇති බවයි.

එහිදී ඇතැම් සැකකරුවන් පාස්කු ඉරිදා ප්‍රහාරය පිළිබඳ ජනාධිපති කොමිසමේදී ඉදිරිපත් කළ වාචික සාක්ෂි සහ ප්‍රකාශ ඉල්ලා එහි සභාපතිවරයා වෙත නීතිපතිවරයා විසින් ඉල්ලීමක් ද කර ඇති බව ද ඇය වැඩිදුරටත් කියා සිටියා.