පාර්ලිමේන්තු මන්ත්‍රී රවුෆ් හකීම්ටත් කොරෝනා

පාර්ලිමේන්තු මන්ත්‍රී රවුෆ් හකීම්ට කොරෝනා වෛරසය ආසාදනය වී තිබෙනවා.

ඔහු සිය නිල ට්විටර් ගිණුමේ සටහනක් තබමින් ඒ බව තහවුරු කළා.

පසුගිය දින 10 තුල තමන් ආශ්‍රය කළ සියලු දෙනාට සෞඛ්‍ය අංශ ලබා දී ඇති මාර්ගෝපදේශ අනුගමනය කරන ලෙසද ඔහු ඉල්ලීමක් කළා.

මේ අතර රාජ්‍ය අමාත්‍ය දයාසිරි ජයසේකර මහතාගේ පෞද්ගලික ලේකම්වරයාටත් කොවිඩ් වෛරසය ආසාදනය වී ඇතැයි තහවුරු වුණා.

මහජන සෞඛ්‍ය පරීක්ෂකවරුන් සඳහන් කළේ අමාත්‍යවරයාගේ පළමු පෙළ ආශ්‍රිතයින් 118 දෙනෙකු නිරෝධායනය සඳහා යොමු කර ඇති බවයි.

රාජ්‍ය අමාත්‍යවරයා කොවිඩ් ආසාදිතව හික්කඩුව ප්‍රදේශයේ නිරෝධායන මධ්‍යස්ථානයක ප්‍රතිකාර ලබන අතර ඉකුත් දින කිහිපයේ ඔහුගේ ආශ්‍රිතයින් හඳුනාගැනීම සඳහා සෞඛ්‍ය අංශ කටයුතු කරමින් සිටිනවා.