සංචාරක දකුණු අප්‍රිකානු කණ්ඩායම සහ පාකිස්තාන කණ්ඩායම අතර පැවති පළමු 20 යි විස්ස තරගයෙන් ලකුණු 03 ක තියුණු ජයක් හිමිකර ගැනීමට පාකිස්තාන කණ්ඩායම සමත්විය.
ලාහෝර්හිදී පැවති තරගයේ කාසිය වාසිය දිනූ දකුණු අප්‍රිකානු නායකයා ප්‍රථමයෙන් පන්දුවට පහරදීමේ අවස්ථාව පාකිස්තාන කණ්ඩායමට ලබා දුන්නේය.
ඒ අනුව ඔවුන් නියමිත පන්දුවාර 20 අවසානයේ කඩුලු 06 ක් බිඳ වැටී ලකුණු 169ක් ලබාගත් අතර පාකිස්තාන ඉනිමේ ආරම්භක පිතිකරු මොහොමඩ් රිස්වාන් එහිදී නොදැවී ලකුණු 104 ක් ලබාගත්තේ ය.
පන්දු 64 ක් තුළ වාර්තා වූ එම ශතකයට හයේ පහර 07 ක් සහ හතරේ පහර 06 ක් ඇතුළත් විය.
ජයග්‍රාහී ඉලක්කය හඹාගිය දකුණු අප්‍රිකානු කණ්ඩායමට නියමිත පන්දුවාර 20 අවසානයේ කඩුලු 06 ක් බිඳවැටී ලබාගත හැකිවූයේ ලකුණු 166 ක් පමණි.
ඒ අනුව තරග තුනකින් සමන්විත 20යි 20 තරගාවලියේ තරග එකට බිංදුවක් ලෙස පාකිස්තාන කණ්ඩායම ඉදිරියෙන් පසුවේ.
Discussion about this post