ප්‍රවීණ රංගන ශිල්පිණි මියුරි සමරසිංහ අභාවප්‍රාප්ත වෙයි

ජනප්‍රිය රංගන ශිල්පිණියක වන මියුරි සමරසිංහ මහත්මිය අභාවප්‍රාප්ත වී තිබෙනවා.

මිය යනවිට ඒ මහත්මිය 81 වන වියේ පසු වූවාය.

ගුවන් විදුලියේ “මාසික රැඟුම” සංගීත ප්‍රසංගයේ මුල්වරට රැඟුම් පෑ ඇය “මිරිඟුව” චිත්‍රපටයේ උප ප්‍රධාන චරිතයක් රංගනය කරමින් සිනමාවට අවතීර්ණ වී තිබෙන ඇය ඉන් මතු “මඩොල් දූව”, “සාරා”, “යස ඉසුරු”, “විරාගය”, “යහළු යෙහෙළි”, “යුගාන්තය”, “මංගල තෑග්ග”, “යුවතිපති”, “මාරුතය” සහ “භව දුක” ආදී චිත්‍රපට රැසක රංගනයෙන් දායක වී තිබෙනවා.

වැඩිහිටි කාන්තා චරිත රංගනය සඳහා නම් දැරූ මියුරි සමරසිංහයන් මෑතයුගයේ “පත්තිනි” සහ “ඝරසරප” වැනි චිත්‍රපටවල රංගනය කළාය.

බන්දුල විතානගේ නිර්මාණය කළ “එරබදු මල්” තුළින් පුංචි තිරයට ප්‍රවිශ්ට වූ ඇය “නෑදෑයෝ”, “දූ දරුවෝ”, “ගිරය”, “යස් බොස්” සහ “අසල්වැසියෝ” ආදී ජනකාන්ත නාට්‍ය රැසක රැඟුම් භාග්‍ය ලද ඇය රාජ්‍ය නාට්‍ය සම්මානලාභිනියක් ලෙස රංගනයෙහි ප්‍රකටය.