ශී‍්‍ර ලංකාවට අවශ්‍ය ඖෂධවලින් සියයට 50 ක් සම්පූර්ණයෙන්ම රට තුළදීම නිෂ්පාදනය කිරීමට
සැලසුම් සකස් කර ඇතැයි ඖෂධ නිෂ්පාදන, සැපයීම හා නියාමන රාජ්‍ය අමාත්‍ය චන්න ජයසුමන පවසනවා.
ඖෂධ නිෂ්පාදනයට අදාළ නවීන නිෂ්පාදනාගාරයක්ද ළගදීම ආරම්භ කරන බවත්,
ජනාධිපතිවරයාගේ පළමු ධුර කාලය අවසන්වීමට පෙර
වියළි කලාපයේ කෘෂිකාර්මික වකුගඩු රෝගය මුලිනුපුටා දැමීමට හැකි වනු ඇති බවත්,
ඖෂධ නිෂ්පාදන, සැපයීම හා නියාමන රාජ්‍ය අමාත්‍ය චන්න ජයසුමන මෙහිදී ප‍්‍රකාශ කළේ.
අනුරාධපුර දිස්ති‍්‍රක්කය නියෝජනය කරමින් මෙවර මහමැතිවරණයට තරග වැදුණු මහාචාර්ය චන්න ජයසුමන
පාර්ලිමේන්තුවට තේරී පත් වූ පළමු අවස්ථාව මෙය වනවා.
මේ අතර නව ආණ්ඩුවේ අමාත්‍යවරුන්, රාජ්‍ය අමාත්‍යවරුන් හා නව අමාත්‍යාංශ ලේකම්වරුන් කිහිප දෙනෙකු
ලබන සදුදා දිනයේ සිය රාජකාරී ආරම්භ කිරීමට නියමිතයි.
Discussion about this post