දඹුල්ල ආර්ථික මධ්‍යස්ථානයේ එළවළු මිල පහළට

දඹුල්ල ආර්ථික මධ්‍යස්ථානයේ එළවළු තොග මිල සැළකිය යුතු මට්ටමකින් පහත බැස තිබෙනවා.

ඒ අනුව ආර්ථීක මධ්‍යස්ථානයේ කළමනාකරණ භාරය සඳහන් කළේ ඊයේ දින පහතරට ප්‍රදේශවලින් ලැබෙන මෑකරල්, දඹල, වම්බටු, කැකිරි ආදී එළවලු කිලෝවක තොග මිල රුපියල් 20ත් 60ත් අතර පැවති බවයි .

එමෙන්ම උඩරට ප්‍රදේශ වලින් ලැබෙන එළවළු තොග මිල රුපියල් 150ත් 160 අතර පැවතියා.

යාපනයෙන් සහ දිවයිනේ අනෙකුත් ප්‍රදේශ වලින් දඹුල්ල ආර්ථික මධ්‍යස්ථානය වෙත එළවළු තොග වැඩි වශයෙන් ලැබීම මෙලෙස මිල පහල යාමට හේතුවී තිබෙනවා.