තවත් යුක්‍රේන සංචාරකයින් පිරිසක් අදත් දිවයිනට

යුක්‍රේනයේ සිට තවත් සංචාරකයින් 215 දෙනෙකු අද(02) දිවයිනට පැමිණීමට නියමිත බව සංචාරක සංවර්ධන අධිකාරිය පවසනවා.

එම සංචාරකයින් මෙරටට ගෙන්වා ගැනීම සම්බන්ධයෙන් සෞඛ්‍ය අමාත්‍යාංශය දී ඇති උපදෙස් ප්‍රකාරව දින 14 ක් නිරෝධායනය කරන බවයි එහි අධ්‍යක්ෂ ජනරාල් ධම්මිකා විජේසිංහ මහත්මිය කියා සිටියේ.

මේ වනවිට යුක්‍රේනයෙන් පැමිණි සංචාරකයින් 389 දෙනෙකු නිරෝධායනයට ලක්වෙමින් සිටින බව ද අධ්‍යක්ෂ ජනරාල්වරිය වැඩිදුරටත් කියා සිටියා.

ඔවුන්ගෙන් 5 දෙනෙකුට කොරෝනා ආසාදනය වී ඇති අතර ඉන් සෙසු සංචාරකයින්ට බලපෑමක් නොවන බව ද සංවාරක සංවර්ධන අධිකාරිය පවසනවා.

එම පිරිස දකුණු වෙරළ තීරයේ තෝරාගත් සංචාරක ගමනාන්ත වෙත නිරෝධයන ක්‍රියාවලියෙන් අනතුරුව සංචාරය කිරීමට නියමිතයි.