UPDATE: තවත් ආසාදිතයන් 191 දෙනෙක් – අද දිනයට ආසාදිතයන් 502ක් – සමස්තය 44,371කට නගී

තවත් ආසාදිතයන් 191 දෙනෙක් හඳුනා ගැනීමත් සමගින් අද දිනයේදී කොරෝනා වෛරස ආසාදිතයන් 502 දෙදෙනෙක් වාර්තා වී ඇතැයි රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් පවසනවා.

අවසන් වශයෙන් හඳුනා ගැනුණු කොරෝනා වෛරස ආසාදිතයන් 191 දෙනා පෑලියගොඩ කොවිඩ් පොකුරේ ආශ්‍රිතයන් බවයි එම නිවේදනයේ දැක්වෙන්නේ.

ඒ අනුව දිවුලපිටිය, පෑලියගොඩ සහ බන්ධනාගාර කොවිඩ් පොකුරුවලින් වාර්තා වී ඇති සමස්ත ආසාදිතයන්ගේ සංඛ්‍යාව 40,628ක් දක්වා ඉහළ ගොස් තිබෙනවා.

ශ්‍රී ලංකාවෙන් වාර්තා වන කොවිඩ් 19 ආසාදිත සමස්ත ආසාදිතයන්ගේ සංඛ්‍යාව 44,371ක් දක්වා ඉහළ ගොස් තිබෙනවා.

මින් ආසාදිතයන් 36,717 දෙනෙක් සුවය ලබා ඇති අතර අද දිනයේ තවත් මරණ තුනක් වාර්තා වීමත් සමගින් මෙරට සමස්ත කොවිඩ් ආසාදිත මරණ සංඛ්‍යාව 211ක් දක්වා ඉහළ ගියා.

තවත් කොවිඩ් ආසාදිතයින් 311ක් හඳුනාගැනේ [ Jan 2, 2021 at 20:18]

අද (02) දිනය තුළ කොවිඩ් ආසාදිතයින් 311 හඳුනාගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසනවා.

එම ආසාදිතයින්ගෙන් 83 දෙනෙක් බන්ධනාගාර පොකුර ආශ්‍රිතව වාර්තා වී ඇති අතර, 228ක් මීට පෙර වාර්තා වු ආසාදිතයින්ගේ ආශ්‍රිතයින්.

ඒ අනුව මෙරට සමස්ත ආසාදිතයින් ගණන 44,167ක් දක්වා ඉහළ ගියා.

මෙරට සුවය ලැබු සමස්ත ආසාදිතයින් ගණන 36,717කි.