ටෙස්කෝ සමාගම විසින් භාණ්ඩ මලු බෙදීමට ඩ්‍රෝන යානා යොදාගැනීමට යයි.

ටෙස්කෝ සමාගම ඩ්‍රෝන යානා භාවිතයෙන් භාණ්ඩ බෙදාහැරීම සඳහා අත්හදාබැලීම් කිරීමට සුදානම් බව වාර්තා වේ. ලබන මස එම අත්හදාබැලීම් ඇරඹීමට නියමිතය.

අන්තර්ජාලය ඔස්සේ කළ ඇනවුමක් පැය භාගයක් වැනි කෙටි කාලයක් තුළ පාරිභෝගිකයා වෙත ලබාදීම මෙම ක්‍රියාවලියේ අරමුණයි.

අයර්ලන්තයේ ගැල්වේ කලාපයේ පිහිටි ටෙස්කෝ ගබඩාවක සිට කුඩා භාණ්ඩ මලු එසේ අවශ්‍ය පාරිභෝගිකයින් වෙත ඩ්‍රෝන යානා භාවිතයෙන් යැවීමට කටයුතු කෙරේ.

ඩ්‍රෝන යානා භාවිතයෙන් ඖෂධ, අවශ්‍ය ස්ථාන කරා යැවීම සම්බන්ධයෙන් අත්හදාබැලීම්, අයර්ලන්තයේ මේ වනවිට සිදුකෙරේ.

පැයට කිලෝමීටර් 80ක් පමණ උපරිම වේගයෙන් යා හැකි එම ඩ්‍රෝන යානයකට කිලෝ 4ක් පමණ බරැති භාණ්ඩ රැගෙන යා හැකි අතර කිලෝමීටර් 5ක් පමණ දුරක් යෑමට එයට ගතවන්නේ විනාඩි 5ක් වැනි කාලයකි.

ඩ්‍රෝන යානා නිෂ්පාදනය කරනු ලබන Manna නම් සමාගම පසුගිය මාර්තු මාසයේදී ආහාර ඇණවුම් ප්‍රවාහනයට අත්හදාබැලීම් කිරීමට සුදානම් වී සිටි අතර කොරෝනා වසංගතය හේතුවෙන් ඖෂධ ප්‍රවාහනය ගැන ඔවුන් උනන්දු විනි.