කුසල් මෙන්ඩිස්ගේ විවාහ මංගල්‍ය කල් යයි ද?

ශ්‍රී ලංකා පිලේ ජනප්‍රිය ක්‍රිකට් ක්‍රීඩකයෙකු වන කුසල් මෙන්ඩිස්ගේ විවාහ මංගල්‍ය කල් යෑමක් සිදු වන බව මේ වන විට ආරංචි වනවා.

එම විවාහ මංගල්‍ය පැවැත්වීමට නියමිතව ඇත්තේ ලබන සතියේ දිනකයි.

කෙසේ වෙතත් ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු මිකී ආතර්ට සහ ක්‍රිකට් ක්‍රීඩක ලහිරු තිරිමාන්න හට පි.සී.ආර් පරීක්ෂණයකින් කොරෝනා අසාදනය වී ඇති බව තහවුරු වීම හේතුවෙන් ඔවුන්ගේ ආශ්‍රිතයන් ද නිරෝධායනයට යොමු කර තිබෙනවා.

එමෙන්ම පසු ගිය දවසක පැවති ක්‍රිකට් ක්‍රීඩක සධීර සමරවික්‍රමගේ විවාහ මංගල උත්සවයට කොරෝනා අසාදිත ලහිරු තිරිමාන්නත් සහභාගී වී ඇති නිසා එම මංගල්‍යට සහභාගී වූ ක්‍රිකට් ක්‍රීඩකයන් සියල්ලන්ම මේ වන විට ස්වයං නිරෝධායනයට ලක් කොට තිබෙනවා.

කුසල් මෙන්ඩිස්ද එහි ආශ්‍රිතයෙකු වීම නිසා ස්වයං නිරෝධායනයට ලක්ව සිටිනවා .

ඒ හේතුවෙනුයි ඔහුගේ විවාහ උත්සවයද කල් යන බව වාර්තා වන්නේ.