කැකුළු තුරු උදානය ළමා රුක්රෝපණ ව්‍යාපෘතිය ජනපති ප්‍රධානත්වයෙන්

කැකුළු තුරු උදානය ළමා රුක්රෝපණ ජාතික වැඩසටහන ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද (15) ආරම්භ විය.

ජනාධිපති මාධ්‍ය අංශය පැවසුවේ ගම්පොළ අටබාගේ විමලධර්ම ජාතික පාසල් භූමියේදී දරුවන් සමග එක්ව පැළ රෝපණය කරමින් ජනාධිපතිවරයා එම වැඩසටහන ආරම්භ කළ බවයි.

350,000කට ආසන්න වන සෑම වසරකම පළමුවන ශ්‍රේණියට පිවිසෙන දරුදැරියන් පරිසරයට ආදරය කරන පුරවැසියන් බවට පත් කිරීම හා සෞභාග්‍යයේ දැක්ම හඳුන්වාදුන් තිරසර පරිසර ප්‍රතිපත්තියට අනුව අනාගත පරපුරට සුරක්ෂිත පරිසර පද්ධතියක් දායාද කිරීම මෙම වැඩසටහනේ අරමුණ වී තිබෙනවා.