කාලගුණයෙන් අනතුරු ඇඟවීමක් – ධීවර සහ නාවික කටයුතු අවධානම්

ශ්‍රී ලංකාවට ගිනිකොණ දෙසින් පහළ වායුගෝලයේ පවතින කැලඹිලි ස්වභාවය හේතුවෙන් දිවයිනට නැගෙනහිර සහ ගිනිකොණ දෙසින්වන මුහුදු ප්‍රදේශයේ ක්‍රියාකාරී වලාකුළු පද්ධතියක් වර්ධනය වී ඇති බව කාලගුණ විද්‍යා දෙපාර්තමේන්තුව පවසනවා.

එහි බලපෑමෙන් කන්කසන්තුරය සිට මඩකළපුව හරහා ගාල්ල දක්වා වන මුහුදු ප්‍රදේශවල වැසි හෝ ගිගුරුම් සහිත වැසි ඇති විය හැකියි.

ඇතැම් ස්ථානවලට තද වැසි ඇතිවිය හැකි අතර ගිගුරුම් සහිත වැසි සමග සුළඟේ වේගය ක්ෂණිකව පැ.කි.මි. 70-80 පමණ ඉහළ යාමට ඉඩ ඇති හෙයින් එම මුහුදු ප්‍රදේශ ක්ෂණිකව රළු වීමට වැඩි හැකියාවක් පවතී.

කාලගුණ විද්‍යා දෙපාර්තමේන්තුව වැඩිදුරටත් නිවේදනය කරන්නේ එම මුහුදු ප්‍රදේශවල ධීවර සහ නාවික කටයුතුවල යෙදීමේදී අවධානයෙන් කටයුතු කරන ලෙසයි.